ပြည်သူ့ကာကွယ်ရေးအဖွဲ့ – နေပြည်တော်မှ တပ်ဖွဲ့ဝင်ရဲဘော်တစ်ဦး စစ်ကောင်စီ၏ဖမ်းဆီးခြင်းခံရပြီး စစ်ကြောရေးတွင် ကျဆုံးသွားကြောင်း အဆိုပါအဖွဲ့က ယနေ့(ဒီဇင်ဘာ ၁၂) အသိပေးထုတ်ပြန်သည်။
ပြည်သူ့ကာကွယ်ရေးတပ်ဖွဲ့ – နေပြည်တော်တပ်ဖွဲ့ဝင် ရဲဘော်ဖုန်းမြတ်ကိုသည် ဒီဇင်ဘာ ၁ ရက်တွင် အကြမ်းဖက်စစ်ကောင်စီတပ်များ၏ ဖမ်းဆီးခြင်းခံခဲ့ရခြင်းဖြစ်သည်ဟု ဖော်ပြသည်။
“ဒီဇင်ဘာလ (၃)ရက်နေ့တွင် စစ်ကောင်စီ၏ စစ်ကြောရေးစခန်းတွင် ကျဆုံးသွားပါသည်”ဟု ဆိုသည်။
ရဲဘော်ဘုန်းမြတ်ကို ကျဆုံးမှုသည် များစွာသောဆုံးရှုံးမှုဖြစ်ပြီး အာဇာနည်သူရဲကောင်းအဖြစ် မှတ်တမ်းတင်အလေးပြုအပ်ပါသည်ဟု ဖော်ပြထားသည်။
ပြည်သူ့ကာကွယ်ရေးတပ်ဖွဲ့ – နေပြည်တော်အနေဖြင့် ရဲဘော်ဖုန်းမြတ်ကိုနှင့် ကျဆုံးလေပြီးသော အာဇာနည်သူရဲကောင်းများ၏ စိတ်ဓါတ်ကိုကိုင်စွဲ၍ နွေဦးတော်လှန်ရေးအောင်မြင်သည်အထိ ဆက်လက်တိုက်ပွဲဝင်သွားမည်ဟု ကတိသစ္စာပြုထားသည်။
ရဲဘော်ဘုန်းမြတ်ကိုကျဆုံးမှုနှင့်စပ်လျဥ်းပြီး အခြေအနေအကြောင်းကြောင်းကြောင့် ယခုမှ သတင်းထုတ်ပြန်နိုင်ခြင်းဖြစ်ကြောင်း အသိပေးထားပြီး အခြေအနေအပြည့်အစုံအားသိရှိနိုင်ရန် People’s Spring က ပြည်သူ့ကာကွယ်ရေးအဖွဲ့ – နေပြည်တော်ထံ ဆက်သွယ်ထားသော်လည်း အဆက်အသွယ်မရသေးပေ။
