စစ်ကိုင်းတိုင်း၊ ကောလင်းမြို့နယ်တွင် ဖမ်းဆီးရမိသော ဘိန်းဖြူပါ ဆိပ်ပြာခွက်များကို မီးရှို့ဖျက်ဆီးခဲ့ကြောင်း ကောလင်းမြို့နယ်ပြည်သူ့အုပ်ချုပ်ရေး(ပအဖ)က အသိပေးထုတ်ပြန်သည်။
ဒီဇင်ဘာ ၄ ရက်က ကောလင်းမြို့နယ်ပြည်သူ့လုံခြုံရေး (ပလဖ)အဖွဲ့ ဖမ်းဆီးရမိခဲ့သောဘိန်းဖြူဆပ်ပြုခွက် ၁၀၀ကျော်ကို ဒီဇင်ဘာ ၁၃ ရက် မွန်းတည့် ၁၂ နာရီခန့်က မြို့နယ်အဖွဲ့အစည်းများနှင့် ရပ်ကျေးတာဝန်ခံများရှေ့တွင် မီးရှို့ဖျက်ဆီးခဲ့ကြောင်း ကောလင်း(ပအဖ)အဖွဲ့က အသိပေးသည်။
ဖမ်းဆီးရမိသည့်တရားခံများကို ဥပဒေအရ ဆက်လက်ဆောင်ရွက်သွားမည်ဖြစ်ကြောင်း ကောလင်း(ပအဖ)အဖွဲ့က ဆိုသည်။
ဖြစ်စဥ်နှင့်ပတ်သက်၍ ကောလင်းမြို့နယ်ပြည်သူ့အုပ်ချုပ်ရေး(ပအဖ)အဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။
ကောလင်းမြို့နယ်တွင် မူးယစ်ဆေးဝါးသယ်ယူပို့ဆောင် ရောင်းချခြင်းများအား ကောလင်း(ပအဖ)အဖွဲ့က တင်းကြပ်စွာသတိပေးထားသည်။
ထိုမူးယစ်ဆေးဝါးများကို ဒီဇင်ဘာ ၄ ရက်က ကောလင်းမြို့နယ် ဗျူဟာလမ်းပိုင်းတစ်နေရာတွင် မန္တလေးမြို့မှပြန်လာသော ပါဂျဲရိုးကားတစ်စီးအား ကောလင်း(ပလဖ)က ရှောင်တစ်ခင်စစ်ဆေးခဲ့ရာ ဘိန်းဖြူဟု ဆပ်ပြာခွက် ၁၁၀အား ဖမ်းဆီးရမိခဲ့ခြင်းဖြစ်သည်။
အဆိုပါကားပေါ်မှ ကျောက်စိမ်းဟုယူဆရသော ကျောက်(၂၃)လုံး၊ သွေးပြီးသားကျောက်ချော (၉)လုံး၊ ဖုန်း နှစ်လုံး၊ Tablet တစ်လုံး၊Laptop တစ်လုံး၊ ကီးဘုတ် နှစ်ခု Gram ချိန်စက် တစ်လုံး၊ ကျောက်ကြည့်ဓာတ်မီး တစ်လုံး၊ ဓား တစ်လက် ၊တော်ပါပြောင်း တစ်ခု၊ ကျပ် ၁၆သိန်းကျော်၊ ပိုက်ဆံအိတ် သုံးခု၊ အမေရိကန်ဒေါ်လာ ၁၀ ဒေါ်လာ၊ATM ကတ် တစ်ခုတို့အား ကောလင်း ပလဖ)က သယ်ဆောင်လာသူနှစ်ဦးနှင့်အတူ ဖမ်းဆီးထိန်းသိမ်းခဲ့ကြောင်း ကောလင်းပအဖအဖွဲ့က အသိပေးထားသည်။
