သတင်း
ချောင်းဦး-ပခုက္ကူလမ်းပိုင်းကိုအရေးပေါ်လိုအပ်ချက်အခြေအနေအရ ယခုကြေညာချက်ထုတ်ပြန်ချိန်မှစ၍နောက်ထပ်ကြေညာချက်တစုံတရာမထုတ်ပြန်မီအထိ ယာယီပိတ်ထားလိုက်ကြောင်း ချောင်းဦး PDF ၏ ထုတ်ပြန်ချက်တွင်ဖော်ပြသည်။
Hi, what are you looking for?
ချောင်းဦး-ပခုက္ကူလမ်းပိုင်းကိုအရေးပေါ်လိုအပ်ချက်အခြေအနေအရ ယခုကြေညာချက်ထုတ်ပြန်ချိန်မှစ၍နောက်ထပ်ကြေညာချက်တစုံတရာမထုတ်ပြန်မီအထိ ယာယီပိတ်ထားလိုက်ကြောင်း ချောင်းဦး PDF ၏ ထုတ်ပြန်ချက်တွင်ဖော်ပြသည်။
ယာယီပိတ်ထားချိန်အတွင်း ကြေညာချက်ပါလမ်းပိုင်းကိုပြည်သူတို့၏ လုံခြုံရေးအတွက် လုံးဝအသုံးမပြုကြပါရန်နှင့်လိုက်နာခြင်းမရှိသူတို့၏လုံခြုံရေးအတွက်အာမမခံပါကြောင်း ထုတ်ပြန်ချက်တွင်ပါရှိသည်။
သတိပေးမေတ္တာရပ်ခံချက်သည် နောက်တစ်ကြိမ် သတင်းမထုတ်မပြန်မချင်း သက်ရောက်နေမည်ဖြစ်ကြောင်း မြိုင်မြို့နယ်ပြည်သူ့ကာကွယ်ရေးတပ်ဖွဲ့က ပြောသည်။
အကြမ်းဖက်စစ်တပ်သည် စစ်ကိုင်းတိုင်းအတွင်း မြို့နယ်အချို့တွင် ယနေ့နံနက်ပိုင်းမှစတင်ကာ ဖုန်းလိုင်းများအား ဖြတ်တောက်ထားသည်။
မဖြစ်မနေအသုံးပြုမည်ဆိုပါက ပတ်ဝန်းကျင် အခြေအနေကို လေ့လာပြီးမှအသုံးပြုကြပါရန်နှင့် ထိုလမ်းများကိုအသုံးပြုသွားလာနေသည့် အိမ်စီးကားများ ကားမှန်မချပါက တိုက်ခိုက်မည်ဟု Black Dragon Special Task Forceက သတိပေးသည်။
သတိပေးချက်အား မလိုက်နာဘဲ ထိခိုက်မှုတစ်စုံတစ်ရာ ဖြစ်ပွားပါက လုံးဝတာဝန်ယူမည် မဟုတ်ကြောင်း၊ပြန်လည် အသုံးပြုရမည့် အချိန်ကို အသိပေးထုတ်ပြန်ပေးမည်ဟု မင်းကင်းပြည်သူ့ကာကွယ်ရေးတပ်ဖွဲ့က အသိပေးသည်။
ယမန်နေ့ညပိုင်းက ချောင်းဦး-ဆင်ဖြူရှင်လမ်းတွင်ပေါက်ကွဲသံတစ်ခုထွက်ပေါ်ခဲ့ပြီး ယနေ့နံနက်ပိုင်းကချောင်းဦးမြို့နယ် ကံကြီးကုန်းရွာ၏အရှေ့ဘက် အနီးနားဝန်းကျင်တွင် သေနတ်ပစ်ခတ်သံများဆက်တိုက်ပေါ်ထွက်ခဲ့ကြောင်း ဒေသခံများက ပြောသည်။
“ရေပေါ်ဆီလူတန်းစားတွေ၊လူချမ်းသာတွေ အသွားများတဲ့ ဘားတွေကို ဒီနေ့စပြီး ပိတ်ရမယ်လို့ ပြောတယ် ”ဟု ဘားတစ်ခုမှ ဆိုင်မန်နေဂျာတစ်ဦးက ပြောသည်။