News
မိုင်းဆွဲခံရပြီးနောက် ကင်းပုန်းဝပ်နေသော စစ်ကောင်စီတပ်သားများက လမ်းဘေးဝဲယာကို ရမ်းသမ်းပစ်ခတ်ခဲ့ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့သည်ဟု အသိပေးသည်။
Hi, what are you looking for?
မိုင်းဆွဲခံရပြီးနောက် ကင်းပုန်းဝပ်နေသော စစ်ကောင်စီတပ်သားများက လမ်းဘေးဝဲယာကို ရမ်းသမ်းပစ်ခတ်ခဲ့ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့သည်ဟု အသိပေးသည်။
ယနေ့နံနက် ၆ နာရီခွဲခန့်တွင် အရာတော်-မုံရွာလမ်းပိုင်းအတိုင်း ဝါးတန်းကျေးရွာအနောက်ဘက်သို့ မိုင်းရှင်းရန်ထွက်လာသော စစ်ကောင်စီ၏ချေလျင်တပ်ကို မိုင်းခွဲတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြ သည်။
ရွာသားများဖမ်းဆီးခံရသည့်အတွက် ပြည်သူ့ကာကွယ်ရေးမဟာမိတ်တပ်ပေါင်းစုများက ငွေတွင်းရွာသို့ စစ်တပ် ထွက်ခွာချိန်၌ ဝင်ရောက်စီးနင်းခဲ့ပြီး ပျူစောထီးဒလန် အမျိုးသားငါးဦးနှင့် အမျိုးသမီး တစ်တစ်ဦးကို ပြန်လည်ဖမ်းဆီးခဲ့သည်။
တိုက်ပွဲကာလအတွင်း စစ်ကိုင်းတိုင်းရှိ မြို့နယ်ချင်းဆက် လမ်းပိုင်းများကို အသုံးမပြုကြရန်လည်း ပြည်သူ့ကာကွယ်ရေးတပ်များက မကြာခဏ သတိပေးမှုများရှိနေသည်။
အလားတူ စစ်ရေး အခြေအနေအရ ကလေး -ဂန့်ဂေါ လမ်းပိုင်းကို ယနေ့(အောက်တိုဘာ ၂၂ ရက်)ကစ၍ ရက်သတ္တပတ် အတွင်း မော်တော်ယာဥ်များ ဖြတ်သန်းသွားလာခြင်းမပြုရန် PDF Kalay ကလည်းထုတ်ပြန်ထားသည်။
မိုက်ဆွဲတိုက်ခိုက်ခံရပြီးနောက်စစ်ကားနှစ်စီးမှာ ဝါးတန်းရွာနှင့် ကျွန်းဖိုပင်ကြားရှိ အဆိုပါ နေရာတွင် ခေတ္တရပ်တန့်သွားပြီး အကြမ်းဖက်စစ်ကောင်စီတပ်သားများက ကြောက်လန့်တကြား ပြန်လည်ပစ်ခတ်ရင်း အရာတော်သို့ ဆက်လက်မောင်းပြေးသွားကြောင်း အရာတော်မြို့နယ် သတင်းမှန်ပြန်ကြားရေးက အသိပေးထားသည်။