ဒီကနေ့ ဩဂုတ် ၃၁ ရက်မှာ ရွှေတစ်ကျပ်သား ပြင်ပပေါက်ဈေး ၃၂ သိန်းကျပ်အထိမြင့်တတ်ခဲ့ပြီး သမိုင်းတစ်လျှောက် စံချိန်တင်ဈေးဖြစ်ခဲ့ပါတယ်။
စစ်ကောင်စီ အာဏာစသိမ်းတဲ့ အချိန်က ရွှေတစ်ကျပ်သား ငွေကျပ် ၁၃ သိန်းခန့်သာ ပေါက်ခဲ့ပေမယ့် အာဏာသိမ်းကာလ တစ်နှစ်ခွဲကျော်မှာ ယခင်ပေါက် ဈေးထက် နှစ်ဆကျော်မြင့်တတ်လာခဲ့တာဖြစ်ပါတယ်။
ရွှေဈေးနဲ့အတူ ဒေါ်လာဈေးလည်း ဆက်လက်မြင့်တတ်နေပြီး ဩဂုတ် ၃၀ မှာ ၃၇၀၀ အထိ ပေါက်ဈေးရှိလာပါတယ်။
ဒေါ်လာနဲ့ရွှေဈေးကို ထိန်းချုပ်ဖို့ စစ်ကောင်စီက ရွှေလုပ်ငန်းရှင်တွေတွေ့ဆုံပြီးတဲ့နောက် ရက်ပိုင်းအတွင်းမှာ အခုလိုဈေးတွေတရှိန်ထိုးမြင့်တက်လာတာပါ။
ရွှေဈေးမြင့်တတ်နေပေမယ့်လည်း ရန်ကုန်မြို့လယ်က ရွှေဆိုင်တစ်ချို့မှာတော့ လူတွေမပြတ်တာကိုတွေ့ခဲ့ရပါတယ်။
ဈေးကွက်ထဲမှာဆိုင်တော်တော်များများက ရွှေ အဝယ်ပဲ လက်ခံပြီး အရောင်းပိတ်ထားတယ်လို့ လုပ်ငန်းရှင်တစ်ဦးကဆိုပါတယ်
