توماس نیکلاسون، نماینده‌ی ویژه اتحادیه اروپا در امور افغانستان با سراج‌الدین مهرالدین، وزیر امور خارجه‌ی تاجیکستان دیدار و گفت‌وگو کرده است.
وزارت خارجه‌ی تاجیکستان در خبرنامه‌ای گفته است که دو طرف گفت‌وگوی سازنده‌ای در مورد مسائل مربوط به وضعیت افغانستان و همچنین همکاری برای مقابله با چالش‌ها و تهدیدها داشته‌اند.
به نقل از خبرنامه، هر دو طرف همچنین در مورد وضعیت کنونی و چشم‌انداز توسعه‌ی روابط جمهوری تاجیکستان و اتحادیه اروپا در زمینه‌های مختلف تبادل نظر کردند.
تاجیکستان تنها کشور در آسیای مرکزی است که با طالبان رابطه‌ی نزدیک برقرار نکرده است.
این کشور بارها درباره‌ی فعالیت گروه‌های تروریستی در شمال افغانستان و تجارت مواد مخدر ابراز نگرانی کرده است.