کمیته امنیت ملی تاجیکستان اعلام کرده است که چهار «تروریست» در پی درگیری مسلحانه با نیروهای این کشور در مناطق مرزی با افغانستان کشته شدهاند.
به گزارش خبرگزاری خاور، این کمیته گفته است که این افراد بامداد امروز (یکشنبه، ۲۸ جدی) از روستای «دربندک» ولسوالی خواهان بدخشان افغانستان وارد خاک تاجیکستان شده بودند.
کمیته امنیت ملی تاجیکستان افزوده است که نیروهای تاجیکستان محل استقرار آنان را شناسایی و سپس اقدام به عملیاتی برای بازداشت آنان کردند.
بهگفتهی این کمیته، «تروریستان» به مرزبانان تاجیکستانی تسلیم نشدند و در پی درگیری مسلحانه هر چهار نفر آنان کشته شدند.
این کمیته افزوده است که از محل استقرار این افراد تعدادی اسلحه و مهمات، از جمله سه قبضه کلاشینکف و یک عدد تفنگچه بهدست آمده است.
مناطق مرزی افغانستان و تاجیکستان در سال جاری خورشیدی شاهد افزایش حضور و حملات «تروریستی» بوده است.
تاجیکستان از طالبان خواسته است که مانع نفوذ تروریستان از خاک افغانستان به این کشور شوند.
طالبان در پی چندین حمله اعلام کردند که تحقیقات در این زمینه را آغاز کردهاند، اما تا کنون نتایج این تحقیقات را همگانی نکردهاند.
