Milli Şuranın sədri, professor Cəmil Həsənli
Taarif Şurası yenidən enerji daşıyıcılarının qiymətini qaldırdı. Amma adamlar başa düşməlidir ki, bu qiymətləri Taarif Şurası deyil, məhz İlham Əliyev qaldırır. Özü də bilirsiniz nə üçün? “Ölkəmizdə iqtisadiyyatın rəqabət qabiliyyətinin yüksəldilməsinin əsas strateji hədəf kimi müəyyən edilməsi, enerji təhlükəsizliyinin təmin olunması, iqtisadiyyatın dinamik və intensiv inkişafına əlverişli şəraitin yaradılması, resurslardan məqsədyönlü və səmərəli istifadə edilməsi, istehlakçıların və istehsalçıların maraqlarının uzlaşdırılması, bu sahədə mərhələli şəkildə bazar münasibətlərinin formalaşdırılması” üçün. Görürsünüz necə “ədalətli” hakimiyyətdir. Rövnəq ilə Sizin maraqlarını uzlaşdırır ki, Rövnəq oğlunun İbizdə oğurlanmış saatının yenisini Sizin hesabınıza alsın, gənc Heydər Əliyevin Londonda mülklərinin sayı daha da artsın, Leyla və Arzu Əliyevaların gizli ofşor hesabları daha da rövnəqlənsin. 2021-ci ilin 4 ayı ərzində ölkədə təbii qazın qiyməti orta hesabla 50%, suyun qiyməti 2 dəfə, elektrikin qiyməti isə 20% artıb.
Taarif Şurasının bugünkü qərarına əsasən, noyabrın 1-dən əhaliyə 1200 k.m-dək satılan təbii qazın1k.m-nin qiyməti 12 qəpik olacaq. İndiyədək əhali bu həcmdə qazın hər k.m-nə görə 10 qəpik ödəyrdi. Sönuncu dəfə qazın qiymətini bahalaşdıranda Taarif Şurası bildirmişdi ki, az təminatlı əhalinin maraqlarını nəzərə alaraq 1200 k.m-ə qədər qazın qiymətini 10 qəpik dəyərində saxlayır. İndi isi 1200 k.m istehlak edən aztəminatlı əhali ilə ondan artıq qaz istehlak edən “çoxtəminatlı” əhali arasında fərq aradan qaldırıldı. Həm də aztəminatlı əhalinin zərərinə. Bura əlavə etsək ki, yeni taatiflərdən sonra sənaye və kənd təsərrüfatı müəssisələrinə satılan qazın qiyməti hər 1000 k.m üçün 200 manatdan 220 manata qaldırıldı və “Azəristiliktəchizat” ASC, məhəllə qazanxanaları və CNG tipli qazdoldurma məntəqələrinə, həmçinin «Azərenerji»-yə satılan qazın qiyməti isə 1000 k.m üçün 130 manatdan 165 manata qaldırıldı. Bəs bunun bədəlini kim ödəyəcək? Şübhəsiz ki, əsasən istehlakçıların 63 faizini təşkil edən aztəminatlı ailələr.
Taarif Şurası anti-xalq qərarın əsaslandırmaq üçün qeyd edir ki, «təbii qazın hasilat və istehlakçıya çatdırılma xərci satış qiymətlərini üstələyir. Bu isə, sahənin dövlət tərəfindən subsidiyalaşdırılmasına və dövlət büdcəsindən asılılığın artmasına səbəb olur». Bu doğrudanmı belədir? Axı, 1994-cü ildə imzalanmış “Əsrin müqaviləsinə” görə Beynəlxal Əməliyyat Şirkəti səmt qazını Azərbaycana pulsuz verir. Və İlham Əliyev hakimiyyətə gələnə qədər Azərbaycana pulsuz verilən bu səmt qazının daşınma xərcləri vur-tut 7 dollar təşkil edirdi. Deməli səmt qazı ölkəyə 7 dollara başa gəlirdi. Londonda uşaqlarına dəbdəbəli mülklər almaq üçün İlham Əliyev Azərbaycana pulsuz verilən qazın istehlak xərclərini şişirtməyə, yəni qaz vurub qazan doldurmağa başladı və bu korrupsiya nəricəsində çoxlu qaz istehlakçılarının qazanları boş qoydu. İndi deməli sünü şəkildə, korrupsiya və qiymətlərin şişirdilməsi yolu ilə qazın istehlsal xərclərini artırıb əhalini günahkar çıxarırlar ki, sən demə «təbii qazın hasilat və istehlakçıya çatdırılma xərci satış qiymətlərini üstələyirmiş.” Görürsünüzmü hansı natəmiz əməllərə əl atırlar.