close
close
Асосий мавзулар
8 август 2020

Ўзбек шоираси Хосият Рустамованинг китоби Лондонда чоп қилинди

close

Британиянинг Hertfordshire Press нашриёти кенг ўқувчилар эътиборига ўзбек шоираси Хосият Рустамованинг “Рангин кўзёшлар” деб номланган шеърий тўпламини тақдим этди. Китоб тақдимоти Мадридда бўлиб ўтадиган «Open Eurasia and Central Asia Book Forum and Literature Festival 2020» 9-адабий фестивали доирасида ўтказилади.

Хосият Рустамова 1971 йил 19 мартда Наманган вилоятининг Олмос қишлоғида туғилган. Кўплаб шеърлари ҳамда шеърий китоблари рус, озар, тожик, инглиз, немис, швед, голланд, вьетнам, француз, испан, итальян, турк, қозоқ сингари кўплаб тилларга таржима қилиниб, китоб ҳолида чоп этилган.

Жумладан, 2006 йил Туркияда « Yarınsız günler” (“Эртаси йўқ кунлар”), 2008 йил Озарбайжонда “Qorxunç” (“Қўркинч”), 2020 йил Қозоғистонда «Севги анатомияси» китоблари чоп этилган. Якинда «Chiều cao của gió» (“Шамолнинг баландлиги”) номли китоби Вьетнамда, «İki güneş” (“Икки қуёш”) номли китоби Туркияда чоп этилди. 2015 йилда Озарбойжоннинг Микоил Мушфиқ номидаги халқаро мукофотини қўлга киритган. 2018 йилда OEBF фестивали доирасида Open Eurasia 2018 танловининг шеърият йўналиши бўйича ғолиб дея эътироф этилган. Озарбойжон Ёзувчилар уюшмаси аъзоси.

***

Бўлди, қайтармайман саволларимни
Биламан, барига жавоб берасан.
Боши очиқмикан хаёлларимнинг,
Нега қўрқмай кириб келаверасан?

* * *

Боряпман…
Нишонга тегмаган ўқдай,
Кафтимда дунё бор – гўё бир сиқим.
Шунча оломоннинг ичидан қўрқмай,
Юрагимни баланд кўтариб чиқдим.

Нима ҳам кўрибман қирқ йил ичида,
Яшаб ҳам бўлдимми? О, нақадар оз
Онт ичишим мумкин. Бари беҳуда —
Фақат муҳаббатим муҳаббат, холос!

* * *

Ўзимни пиширдим оловларингда,
Жуда узоқ йиллар… Секин… Шошмадим.
Музаффар руҳимнинг бежон танимдан
Куйган жойларини олиб ташладим.

Бир кун келиб қолсам cенинг ёдингга,
Кечир, танимасанг, кўриб чиройим,
Шунча кутиб-кутиб cенинг олдингга —
Тирик боролмасам, Худойим.

Eltuz.com

Тағин ўқинг
30 июл 2019
Карлови Вари ўзбек амалдорлари ва уларнинг бандитлари учун севимли маскан. 2015 йилнинг ёзи иссиқ келди. Собиқ бош ўзбек менти ...
31 октябр 2018
Тошкентнинг Чилонзор туманидаги мактабнинг жисмоний тарбия ўқитувчиси, 30 яшар Фарҳод Миниёзов ўз аризасига кўра ишдан бўшатилди ва суд қарори ...
5 сентябр 2016
Ўзбекистонда қатағон йилларининг қораловчиларидан бири бўлгани иддао қилинадиган 54 ёшли Ниғматулла Йўлдошев шахси ҳақида матбуотда жуда кам эшитганмиз. Ниғматилла ...
12 август 2017
Суронли 2015 йил, денгиз тубидаги майда тошларни ҳам кўра оладиган ғаввослар ҳам пахтага олиб чиқилганди. Хадемай тағин терим бошланади, ...
Блоглар
24 август 2020
Беларусдаги намойишлар ортидан президент Александр Лукашенконинг 23 август куни автомат ва бронежилетда акс этган видеоси ...
18 август 2020
Тушимга коронавирус кирибди. Беморликка гумон қилинаётганлар тест топшираётган каттагина хонада эканман. Ўзим соғлом эканман аммо. ...
12 август 2020
Бишкекда ҳибсга олинган ўзбек журналисти Бобомурод Абдуллаевнинг онаси Гавҳар Мадаминова 12 август куни Ўзбекистон президенти ...