Бобомуроднинг онаси: ўғлим “Қора мерган” тахаллуси билан мақолалар ёзмаган!

Бишкекда ҳибсга олинган ўзбек журналисти Бобомурод Абдуллаевнинг онаси Гавҳар Мадаминова 12 август куни Ўзбекистон президенти Шавкат Мирзиёевга видеомурожаат билан чиқди.

“Ўғлим “Қора мерган” тахаллуси билан мақолалар ёзаётган одамга алоқаси йўқлигини менга онт ичиб айтган эди. Бу унга душманлари томонидан уюштирилаётган туҳмат. Тергов ҳибсхонасида унга: “Сен ҳозир чиқаётирсан. Лекин келаси сафар сени бошқача қилиб қўлга туширамиз. Шунда сени бир йилга қаматсак ҳам бу ердан тирик чиқмайсан. Суякларингни тош майдалагичдан ўтказиб, онангга юборамиз, дейишган”, дея билдиради видеомурожаатида журналистнинг онаси.

Бобомурод Абдуллаев суд арафасида журналистларга уни “Қора мерган” тахаллуси остидаги мақолаларни ёзганликда гумон қилиб Мирзо Улуғбек тумани суди 23 июль куни унга нисбатан “сиртдан айблов эълон қилиб бўлгани”ни айтган эди.

Бишкек шаҳрининг Биринчи май тумани суди 10 август куни эҳтиёт чораси сифатида ўзбек журналисти Бобомурод Абдуллаевни 8 сентябрга қадар қамоқда қолдиришга қарор чиқарганди.

Eltuz.com