Қирғизистон бошпана излаган шахсни Ўзбекистонга қайтармасин

“Қирғизистон расмийлари ўзбек журналисти Бобомурод Абдуллаевни Ўзбекистонга экстрадиция қилиш ҳақидаги сўровни рад этиб, унинг ўрнига уни озод қилишлари керак”, дея баёнот берди “Ҳьюман райтс уотч” ташкилоти.

Қирғизистон Миллий хавфсизлик давлат қўмитаси (МХДҚ) ходимлари Абдуллаевни 2020 йил 9 август куни Бишкек шаҳрида Ўзбекистон расмийларининг экстрадиция сўровига жавобан ҳибсга олишганди. 

10 август куни Бишкекдаги Биринчи май тумани суди Абдуллаевни 8 сентябргача ҳибсда ушлаб туриш тўғрисига қарор қабул қилди. 

“Агар Абдуллаевни қайтариб беришса, қийноққа солиниши хавфи мавжудлигини ҳисобга олган ҳолда, Қирғизистон Бош прокурори Ўзбекистон расмийларининг талабини рад қилиши керак,- деди ҲРУнинг Европа ва Марказий Осиё бўйича директори Ҳью Уильямсон. – Қирғизистон расмийлари халқаро қонунларга кўра ҳеч ким сиёсий эътиқоди ёки асосий ҳуқуқларидан фойдалангани учун қийноққа солиниши ёки таъқиб қилиниши мумкин бўлган жойга қайтариб берилиши мумкин эмаслигини билади”. 

ҲРУ вакилининг таъкидлашича, Ўзбекистонда қийноқлар учун жавобгарлик умуман йўқ. Халқаро ҳуқуқ қочқинларни таъқиб қилиниши мумкин бўлган жойга ёки бирор бир шахсни қийноққа дучор бўлган мамлакатга мажбуран қайтаришни қатъиян тақиқлайди.

Eltuz.com