Элтуз танқидидан сўнг ТДТУ Олмалиқ филиалида ўзгариш

Ассалому алайкум, “Элтуз” таҳририяти. Сизларга самимий миннатдорчилик билдирамиз. Олмалиқ давлат техника институти (собиқ ТДТУ Олмалиқ филиали) ҳақида 19 сентябр куни чоп этилгантанқидий мақоладан сўнг таълим муассасаси раҳбариятида ўзгариш амалга оширилди. Янги раҳбар тайинланди.

Янги раҳбарнинг профессор-ўқитувчилар ва талабалар билан самимий ҳамда очиқ муносабати натижасида институтда ижобий муҳит шаклланмоқда. Жамоа орасида ишонч ва дўстона кайфият кучайиб, таълим жараёнида фаоллик сезилмоқда.

Институт жамоаси мазкур янгиланишлардан мамнун ва бу ижобий муҳит сақланиб қолишини истайди.

Шу билан бирга, аввалги раҳбар Алишер Самадов ва унинг ҳамтовоқлари томонидан амалга оширилган молиявий қинғирликлар ҳамда қонунга зид ҳаракатлар — жумладан, ходимлар хонасига яширин тинглаш қурилмалари ўрнатилиб, эшитилган суҳбатлар асосида уларни “самосуд” қилиш ҳолатлари жамоа орасида қаттиқ норозилик уйғотди.

Бу каби ҳолатлар қонун олдида баҳоланиб, айбдорлар жавобгарликка тортилиши лозим. Чунки ҳеч ким қонундан устун бўлиши мумкин эмас.