Сазойи қилинган кино агентликда «ахборот жиҳоди» бошланди

23-27 январ кунлари Эстониянинг Таллин шаҳрида “Ўзбек кино кунлари” бўлиб ўтади. Одатда бундай тадбирлар Кинематография агентлиги иштирокида ва агетлик билан бевосита ҳамкорликда ўтказилади. Аммо бус афар агентлик аъзолари, шу жумладан, Шуҳрат Ризаев ҳам Таллинга таклиф қилинмади. Кўрсатилажак кинолар рўйхати ҳам тасдиқлаш учун агентликка берилмади.

Тақдим этилиши режалаштирилган картиналар орасида Рашид Маликовнинг “Пахта” номли киноси бор. Бу лента Шуҳрат Ризаевнинг тақиқи остида 10 йил қолиб кетган. Кино Панорамада премера қилинмаган, прокатга чиқмаган. Кутилаётган меҳмонлар орасида Али Ҳамроев ва Элжон Аббасов ҳам бор.

Али Ҳамроевнинг “Ёр-ёр 2” киноси Шуҳрат Ризаевнинг норасмий тақиқига тушган. Аббасов эса айнан Ризаев раҳбарлиги даврида Кинофонд директори лавозимидан озод қилинган эди.

Банисаларга ётволиб, ана кетаман, мана кетаман деб ҳаммамизни қўрқитган Шуҳрат Ризаевнинг ўзи отдан соғ, лўмбиллаб юрибди. Давлениеси 90/70, тана ҳарорати 36,6. Шуҳрат Ризаев 20 январ куни ёпиқ мажлис чақириб улусга сасланди.

Режалар катта: Панорамада барча блогерлар, бекорчи журналистлар, маданият институтининг оч қолган талабаларини йиғиб бир финжон қаҳва устида тадбир ўтказилади. Шундан сўнг, блогер ва журналистлар Кино агентлигини мақтаб пўстлар ёзади ва шу билан ижобий кайфият, ижобий янгиликлар аураси ҳосил қилинади. Ризаевга кўра, Ходимлар иш пайтида Youtube ва Facebookни камроқ кузатса негативлар камаяр эмиш. Ишдан чиққунча шикоятлар унутилади деган умид бор бунда.

Шунингдек, Элтузга агентлик ҳақида хабар йўллаган шахслар қидирувда. Шуҳрат Ризаев уларни Мадвазирлик кўмагида қидирмоқда – барча объективкалар синчиклаб ўрганиляпти. Шу ўринда Ризаевни огоҳлантириш бурчимиз: Мадвазирлик яхши исковуч эмас, акс ҳолда Озод бират Элтуз ҳит парадининг энг олди ўринларида турмасди.