HƏMAS daha üç İsrail girovunun cəsədini Beynəlxalq Qızıl Xaç Komitəsinə (BQXK) təhvil verəcək.
Gununsesi.info xəbər verir ki, bu barədə bəyanat hərəkatın hərbi qanadı İzzəddin əl-Qəssam Briqadalarının “Telegram” kanalında dərc edilib.
“Razılaşmanın bir hissəsi olaraq, bu gün Qəzza zolağının cənubunda tapılan daha üç girovun cəsədini tibb işçilərinə təhvil verəcəyik”, – bəyanatda deyilir.
Bəyanatda girovlardan birinin sənədlərinin fotosu da dərc edilib və onun qalıqlarının yerli vaxtla saat 20:00-da təhvil veriləcəyi bildirilir.
Girovların cəsədlərinin tam olaraq harada qəbul təhvil veriləcəyi barədə heç bir məlumat yoxdur.
