Dövlət əleyhinə yönələn açıq çağırışlarda təqsirləndirilən və hazırda xaricdə yaşayan bloqer İmaməddin Əlimanov barəsində qiyabi hökm çıxarılıb.
Gununsesi.info-nun məlumatına görə, Bakı Ağır Cinayətlər Məhkəməsində hakim Hüseyn Hüseynlinin sədrliyi ilə keçirilən iclasda İ.Əlimanova 7 il müddətinə azadlıqdan məhrumetmə cəzası verilib.
Hələlik bu məlumatı məhkəmənin özü rəsmi olaraq təsdiqləməyib.
Qeyd edək ki, İmaməddin Əlimanov Azərbaycan Respublikası Cinayət Məcəlləsinin 281.2-ci (dövlət əleyhinə yönələn açıq çağırışlar – təkrar törədildikdə) maddəsi ilə təqsirləndirilir.
O, 2021-ci ildə barəsində axtarış elan edilib və Bakı şəhəri Binəqədi Rayon Məhkəməsinin qərarı ilə onun barəsində qiyabi həbs qətimkan tədbiri seçilib.
Şəbnəm
