ထားဝယ် – မြတ်ရှင်မော်လမ်းပိုင်းကို ည ၈နာရီမှ နံနက် ၃ နာရီအတွင်း အသုံးမပြုကြရန် ထားဝယ်ပြည်သူ့ကာကွယ်ရေးအဖွဲ့(DDT)က ယနေ့(အောက်တိုဘာ ၅)အသိပေးလိုက်သည်။
အဆိုပါ လမ်းပိုင်းအား ယနေ့မှစ၍ ရက်အကန့်အသတ်မရှိ ည ၈နာရီမှ နံနက် ၃နာရီအတွင်း အသုံးမပြုကြရန် ပြည်သူများ အသိပေးမေတ္တာရပ်ခံလိုက်ခြင်း ဖြစ်သည်။
အလားတူ ထားဝယ် – မြတ်ရှင်မော်လမ်းပိုင်းကို နေ့ခင်းဘက်အသုံးပြုသော ခရီးသွားပြည်သူများအနေဖြင့်လည်း ကားမှန်များချ၍ မောင်းနှင်ရန်၊ အရှိန်လျှော့မောင်းကြရန်နှင့် တင်ဆောင်လာသော ကုန်ပစ္စည်းများကို အဝေးမှမြက်သာစေရန် စီစဥ်ထားရှိရန် စသည့်အချက်များအား လိုက်နာကြရန် တိုက်တွန်းထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
“တော်လှန်ရေးအဖွဲ့စည်းတွေရဲ့ အသိပေးမှုကို လေးစားသမှုဖြင့် လိုက်နာပေးပါလို့ တောင်းဆိုချင်ပါတယ်ခင် ဗျာ”ဟု ထားဝယ်ပြည်သူ့ကာကွယ်ရေးအဖွဲ့(DDT)မှ တော်လှန်ရေးရဲဘော်တစ်ဦးက ပြောသည်။
ထို့ကြောင့် သတိပေးချက်အား ပြည်သူများလိုက်နာမည်ဟု ယုံကြည်ပြီး လိုက်နာခြင်းမရှိ၍ တစ်စုံတစ်ရာဖြစ်ပေါ်လာပါက ပျက်ကွက်သူ၏တာဝန်သာဖြစ်ကြောင်း DDT က ဆိုသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)