ထားဝယ်-ထီးခီးလမ်း၊ ဝကုန်းရွာအနီးတွင်စစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်များကြား နိုဝင်ဘာ ၁၉ ရက်ကတိုက်ပွဲဖြစ်ပွားခဲ့ပြီးစစ်ကောင်စီတပ်သားတစ်ဦးသေဆုံးခဲ့ကြောင်း ထားဝယ်အရှေ့တောပြည်သူ့ကာကွယ်ရေးအင်အားစု(DEF-PDF)ကယနေ့သတင်းထုတ်ပြန်သည်။
စစ်ကောင်စီတပ်ကအင်အား ၇၀ခန့်ပါဝင်သောစစ်ကြောင်းဖြင့်နိုဝင်ဘာ၁၉ရက်နံနက်၉နာရီခန့်ကအဆိုပါလမ်းပိုင်းတွင် သေနတ်ပစ်၍ ချီတက်လာစဉ် ဒေသခံပြည်သူ့ကာကွယ်ရေးတပ်များ ဆီးကြိုတိုက်ခိုက်ခဲ့ခြင်းဖြစ်သည်။
အဆိုပါစစ်ကြောင်းသည် ထားဝယ်မြို့မှထီးခီးဘက်သွားမည့်စစ်ကြောင်းဖြစ်ကြောင်း EDF-PDFတာဝန်ရှိသူကပြောသည်။တိုက်ပွဲတွင်မျက်မြင်အရ စစ်ကောင်စီတပ်သား တစ်ဦး သေဆုံးပြီးထပ်မံသေဆုံးမှုများရှိသော်လည်း အတည်မပြုနိုင်သေးဟုလည်း ၎င်းကဆက်ပြောသည်။
“ယခုလတွေမှာ စကစစစ်ကြောင်းနဲ့ တိုက်ပွဲ ခပ်စိပ်စိပ်ဖြစ်လာနေပါတယ်”ဟု အထက်ပါတာဝန်ရှိသူကပြောသည်။
အဆိုပါစစ်ဆင်ရေူကိုထားဝယ်-ပကဖ အဖွဲ့ဝင်များဖြစ်သည့်ထားဝယ်အရှေတောပြည်သူ့ကာကွယ်ရေးအင်အားစု(DEF-PDF)၊သံမဏီပြောက်ကျားတပ်ဖွဲ့နှင့်ကော်သူလေးအာမီတို့က ပူးပေါင်းတိုက်ခိုက်ခဲ့ခြင်းဖြစ်သည်။
“လက်ရှိထား၀ယ်ထီခီးလမ်းကစစ်ရေးတင်းမားတဲ့အခြေအနေတော့ရောက်နေပါပြီ၊နောက်တစ်ပတ်ထဲစကစ စစ်ကြောင်း ထပ်၀င်ဖို့ရှိပါတယ်။လမ်းသွားလာသူများကို သတိထားသွားကြဖို့ပြောချင်ပါတယ်”ဟု EDF-PDFတာဝန်ရှိသူကပြောသည်။
