“မိုးကုတ်၊ မိုးမိတ်ကို ပြန်ပေးလိုက်ရပြီဆိုရင် ပြင်းထန်တဲ့ ထိုးစစ်တွေ ဖြစ်လာတော့မယ်”

တအာင်း အမျိုးသားလွတ်မြောက်ရေးတပ်မတော်(TNLA)ဟာ တိုက်ခိုက်၊ သိမ်းပိုက်ထားတဲ့ မန္တလေးတိုင်းက မိုးကုတ်မြို့နဲ့ ရှမ်းမြောက်က မိုးမိတ်မြို့တွေကို တရုတ်ဖိအားကြောင့် စစ်တပ်လက်ထဲပြန်အပ်ပြီး၊ စစ်တပ်နဲ့လည်း အပစ်ရပ်မယ်လို့ အောက်တိုဘာလကုန်ပိုင်းက ကြေညာထားပါတယ်။ 

တောင်တန်းနဲ့ပြည်မ ဆက်စပ်နေတဲ့ ဒီမြို့တွေကို စစ်တပ်က ပြန်ရသွားရင် အမျိုးသားညီညွတ်ရေးအစိုးရ NUG ကွပ်ကဲမှုအောက်က MDY-PDF ထိန်းချုပ်ထားတဲ့ မန္တလေးတိုင်းထဲက စဉ့်ကူး၊ မတ္တရာ၊ သပိတ်ကျင်းမြို့နယ်နဲ့ စစ်ကိုင်းတိုင်းထဲက အညာဒေသတွေကို စစ်တပ်က အပြင်းအထန် ထိုးစစ်ဆင်လာလိမ့်မယ်လို့ ယူဆနေကြပါတယ်။ 

စစ်တပ်နဲ့ အပစ်ရပ်လိုက်ရတဲ့ ညီနောင်မဟာမိတ်သုံးဖွဲ့ထဲက ကိုးကန့်တပ်(MNDAA)နဲ့ တအာင်းတပ်(TNLA) အတွက် ကြီးမားတဲ့ တရုတ်ဖိအားနဲ့အတူ ညီနောင်မဟာမိတ်နှစ်ဖွဲ့ အပစ်ရပ်လိုက်တာဟာ PDF တွေအတွက် ဘယ်လောက်ထိ ဘေးကျပ်နံကျပ် ဖြစ်စေသလဲဆိုတာကို ဆိုရှယ်ဒီမိုကရက်တစ်ပါတီ(SDP)ရဲ့ အထွေထွေအတွင်းရေးမှူး ကိုကျော်ကိုကိုနဲ့ ဆက်သွယ်မေးမြန်းထားပါတယ်။ 

ဆိုရှယ်ဒီမိုကရက်တစ်ပါတီဟာ ရှမ်းမြောက်မှာ အခြေစိုက်ပြီး TNLA  အပါအဝင် တော်လှန်ရေးအင်အားစုတွေကို နိုင်ငံရေးဆိုင်ရာသင်တန်းတွေ ပို့ချနေသလို လူထုစည်းရုံးရေးနဲ့ စစ်ဘေးဒုက္ခသည်ကူညီရေးလုပ်ငန်းတွေ ဆောင်ရွက်နေပါတယ်။ 

မေးမြန်း – ကိုလှိုင်း/ Myanmar Now

Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် /qurium/myanmar-now.org/mm-members.html တွင် ကူညီနိုင်ပါသည်။