Rusiya valyutası dəyər itirməkdədir
Rusiya rublu dəyər itirməkdə davam edir.
Avqustun 9-da 1 dollar 97 rubla qalxıb.
Bu, Rusiya Prezidenti Vladimir Putinin 2022-ci ilin fevralına Ukraynaya hücum əmrindən sonra ilk ayda müşahidə olunan səviyyədir.
“Bloomberg Economics” yazır ki, Rusiya Mərkəzi Bankının rəhbəri Elvira Nabiullina rublun çökməsinin əsas səbəbi kimi xarici ticarət şəraitinin pisləşməsini göstərib.
Eyni zamanda, məzənnəni dəstəkləmək üçün müdaxilə etməyəcəklərini bildirib.
Rusiya valyutası dövlət xərclərinin artması, enerji gəlirlərinin azalması və rusların xarici hesablara vəsait yatırmaq hərəkəti fonunda keçən ilki kapitala nəzarət zirvəsindən, demək olar ki, iki dəfə aşağı düşüb.
Rusiya Mərkəzi Bankının ən son məlumatları göstərir ki, ölkənin əsas ixracatçıları iyunda valyuta gəlirlərinin 84 faizini bazara satıblar.
İşğaldan sonra Rusiya üçün sabit valyutanın əsas mənbəyi – keçən ilin eyni dövründəki 16,8 milyard dollardan iyulda cəmi 6,9 milyard dollara qədər azalıb.
İdxal axını sabit qalsa da, Rusiyanın enerji satışlarına qoyulan məhdudiyyətlər, o cümlədən Kremlin döyüş maşını ilə qidalanma imkanlarını məhdudlaşdırmaq məqsədi daşıyan neftin qiymətinin tavanı ixracın davamlı azalmasına səbəb olub.
Rublun ticarətdəki payının artması ilə birlikdə sabit valyutanın axını azalıb.
Moskvadakı “Otkritie Bank”FC-nin analitiki Andrey Koçetkovun fikrincə, bu hərəkət davam edərsə, Rusiya bazarına xarici valyuta axını tədricən artmalıdır.
“Yenə də rublun ucuzlaşması təkcə, ticarət balansının pisləşməsi ilə bağlı deyil, çünki kapitalın qaçması, o cümlədən xarici şirkətlərin ölkədən çıxması ilə pulların çıxarılması prosesi davam edir”, – o deyib.
“Bloomberg” iqtisadçıları isə düşünür ki, rublun zəifliyi kapitalın xaricə axını ilə əlaqədardır.
Bu da özlüyündə yanlış kalibrlənmiş daxili siyasət nəticəsində baş verib.
Hökumətin illik 14% artımı, ixrac gəlirlərinin azaldığı bir vaxtda idxala tələbi artırıb.
Eyni zamanda, rublun faiz dərəcələrinin inflyasiya gözləntilərindən aşağı düşməsi və artan Rusiya banklarının qlobal ödəniş sistemlərindən kəsilməsi səbəbindən ev təsərrüfatları təxminən 40 milyard dolları xarici banklara köçürüb.
