İspaniya yığması Gürcüstanı turnirdən kənarlaşdırıb
İyunun 30-da futbol üzrə Avropa çempionatında 1/8 final mərhələsinin daha iki oyunu keçirilib.
Əvvəlcə İngiltərə və Slovakiya milli komandaları üz-üzə gəlib. Helzenkirhendəki “Feltins Arena”da keçirilən matçın start fiti saat 20:00-da səsləndirilib. Oyun ingilislərin 2:1 hesablı qələbəsi ilə bitib. İngiltərə yığması 1/4 finalda İsveçrə ilə üz-üzə gələcək.
![](https://i1.wp.com/www.meydan.tv/wp-content/uploads/hhuswj2o4nll7ah6f44bh4ykey-1038x821.jpg)
Günün digər oyunu Kölndəki “Reyn Enerqi” stadionunda, İspaniya və Gürcüstan komandaları arasında baş tutub. Saat 23:00-da başlayan görüşdə ispanlar böyükhesablı qələbə qazanıblar – 4:1. İspaniya millisi 1/4 finalda Almaniya ilə qarşılaşacaq.
İyulun 1-də 1/8 final mərhələsinin daha iki oyunu keçiriləcək. Fransa millisi Belçika, Portuqaliya isə Sloveniya ilə qarşılaşacaq.
Almaniyada təşkil olunan Avropa çempionatına iyulun 14-də yekun vurulacaq.