İspaniya millisi yarımfinalda Fransanı məğlub edib
İyulun 9-da Almaniyada keçirilən Avropa çempionatında yarımfinal mərhələsi start götürüb.
Yarımfinalın ilk oyununda İspaniya millisi Fransa ilə qarşılaşıb. Münhendəki “Alyans Arena”da keçirilən oyun saat 23:00-da başlayıb.
İspaniya AÇ-2024-ün 1/4 finalında Almaniyanı məğlub etmişdisə, Fransa millisi Portuqaliyanı penaltilər seriyasında üstələmişdi. Oyun İspaniya millisinin 2:1 hesablı qələbəsi ilə bitib.
İspanlar bu qələbə sayəsində Avropa çempionatının final oyununa vəsiqə qazanıb.
Onların finaldakı rəqibi iyulun 10-da keçiriləcək Niderland – İngiltərə matçının qalibi olacaq.
Avropa çempionatına iyulun 14-də yekun vurulacaq.
