Azərbaycan Müdafiə Nazirliyi cavab tədbiri gördüyünü də deyib
İyunun 12-si saat 10:05-dən 17:50-dək Ermənistan silahlı qüvvələrinin Şərur rayonunun Havuş, Ordubad rayonunun Nürgüt, Şahbuz rayonunun Güney Qışlaq yaşayış məntəqələrini bir neçə dəfə atəşə tutduğu bildirilir.
Bu barədə Azərbaycan Müdafiə Nazirliyi iyunun 13-də məlumat yayıb.
Nazirlik əlavə edib ki, Azərbaycan ordusu qeyd olunan istiqamətlərdə cavab tədbirləri görüb.
Amma Ermənistan Müdafiə Nazirliyi məlumatı təkzib edib.
“Azərbaycan Müdafiə Nazirliyinin iyunun 12-də saat 10:05-dən 17:50-dək Ermənistan silahlı qüvvələrinin bölmələrinin sərhəd zonasının cənub-qərb hissəsində yerləşən Azərbaycan mövqelərini atəşə tutması barədə yaydığı məlumat həqiqətəuyğun deyil”, – deyə Ermənistan Müdafiə Nazirliyi bildirib.