Hadisə Nəsimi rayonu ərazisində olub
DİN-in məlumatına görə, hadisədə 2 nəfər xəsarət alıb. Xəsarət alanlar – 2002-ci il təvəllüdlü Fəqan Rəhimli, 1983-cü təvəllüdlü Tamerlan Hüseynov xəstəxanaya çatdırılıb.
Martın 10-da günorta saatlarında Bakının mərkəzində silahlı insident yaşanıb. Nəsimi rayonunda – Səməd Vurğun küçəsində yaşanan insident nəticəsində üç nəfərin güllələndiyi bildirilir. Meydan TV-nin əldə etdiyi məlumata görə, insident “Təzə bazar” kimi tanınan ticarət mərkəzinin üstündə baş verib.
Məlumatı Daxili İşlər Nazirliyi də təsdiqləyib. Nazirliyin mətbuat xidmətindən Meydan TV-yə bildirilib ki, Nəsimi rayonunda 3 nəfərin odlu silahdan açılan atəşdən yaralanması haqda polisə məlumat daxil olub:
“Hadisə yerinə polis əməkdaşları cəlb edilib. Araşdırma aparılır. Əlavə məlumat veriləcək”.
