“Real” 15-ci dəfə kuboku qazanıb
İyunun 1-də UEFA Çempionlar Liqasının final oyunu keçirilib.
Həlledici matçda İspaniyanın “Real” komandası ilə Almaniya təmsilçisi “Borussiya” (Dortmund) qarşılaşıb.
Londondakı “Uembli” stadionunda keçirilən qarşılaşma saat 23:00-da start götürüb.
Bu, Çempionlar Liqası tarixində 69-cu final oyunu olub.
Budəfəki final matçında “Real” qələbə qazanıb. “Kral klubu” “Borussiya”nı 2:0 hesabı ilə məğlub edib.
Turnirin ən titullu klubu “Real”dır. “Kral klubu” 15-ci dəfə Çempionlar Liqası kubokunu qazanıb.
