Berlin Film Festivalının nəticələri açıqlandı
“Berlinale” kimi tanınan 73-cü Beynəlxalq Berlin Film Festivalının qalibləri məlum olub.
Festivalda fransız rejissoru Nikolas Filibertin “Sur l’Adamant” filmi “Ən yaxşı film” nominasiyasında “Qızıl Ayı” mükafatına layiq görülüb.
Almaniyanın paytaxtı Berlində keçirilən festivalın mükafatları Berlinale “Palast Cinema”da keçirilən mərasimdə öz sahiblərinə təqdim olunub.
“Ən yaxşı baş rol” üçün “Gümüş ayı” mükafatı “20.000 Species of Bees” filmində 8 yaşlı qız obrazını canlandıran ispaniyalı Sofiya Oteroya verilib.
Meksikada bir dağ kəndinin həyatından bəhs edən Tatyana Huezonun rejissorluğu ilə çəkilmiş “The Echo” filmi “Ən yaxşı sənədli film”ə görə 40 min avroluq mükafata layiq görülüb.
73-cü Berlin Film Festivalı fevralın 16-26-dək keçirilib.
“Qızıl ayı” mükafatı üçün 19 film yarışıb.
