Ölənlərdən ikisi əkiz qardaşdır
Sabirabadda su kanalında 1 yeniyetməni və 2 azyaşlını elektrik cərəyanı vurub. Onların üçü də həyatını itirib.
Hadisə iyulun 31-də saat 11:30 radələrində rayonun Cavad kəndindəki su kanalında baş verib. Həyatını itirənlərin qohum, ikisinin isə əkiz qardaşlar olduğu bildirilir. Bunlar 2007-ci il təvəllüdlü Orxan Əliyev, 2011-ci il təvəllüdlü Nihad və Əjdər Əlizadələrdir.
Daxili İşlər Nazirliyinin mətbuat xidmətinin regional qrupundan Meydan TV-yə bildirilib ki, polis əməkdaşları hazırda hadisə yerində araşdırma aparır.
