Hökumətlər, rəhbər şəxslər və investorlar belə bir durumda yenidənqurma prosesində Ukraynada yer tutmaq istəyir
Ukraynada ehtiyat elektrik generatorları üçün sifarişlər artıb. Belə bir durumda Türkiyənin “Aksa Power Generation” şirkəti Kiyevə xüsusi menecer göndərib.
Salih Kömürcünün işi təkcə, müharibədən əziyyət çəkən ölkədəki mövcud işlərə nəzarət etmək yox, həm də müharibədən sonra hansı addımlar atılacağına nəzarət etməkdir.
“Bloomberg” yazır ki, cəbhə xəttindəki hazırki durum müharibənin nə zaman bitəcəyindən xəbər vermir. Amma Ukraynanın müharibədəki uğursuzluqları son vaxtlar Kiyevdə əhval-ruhiyyəni pozub.
Eyni zamanda, müharibə dağıntıları iri şirkətlərin bu əraziyə marağını artırır.
Avropa İnvestisiya Bankının təxminlərinə görə, dövlət və özəl kapitaldan yenidənqurmaya 1 trilyon dollardan çox vəsait ayrılacaq.
Hökumətlər, rəhbər şəxslər və investorlar belə bir durumda yenidənqurma prosesində Ukraynada yer tutmaq istəyir.
Məsələn, türk şirkətləri körpüləri və yolları bərpa edir, eyni zamanda, Ukraynanı enerji generatorları və mobil xəstəxanalarla təmin edir.
Türkiyə şirkətləri böyük məbləğli müqavilələr uğrunda rəqabət getdiyi zamanda üstünlük əldə edəcəklərinə ümid edirlər.
Həmçinin Almaniya və Avstriya şirkətləri infrastruktur və müdafiə sahəsində işlər planlaşdırır. Danimarka isə bu günədək binaların yenidənqurulması üçün 120 milyon avro (130 milyon dollar) bağışlayıb.
Yenidənqurmanın necə baş verəcəyi gələcək Ukraynanın necə görünə biləcəyini göstərəcək.
Prezident Volodimir Zelenski hökumətinin nəzarətində olan ölkə üçün milyardlarla dollar nəzərdə tutulduğunu bildirib. Deyib ki, hazırda Ukraynanın təxminən 18%-i Rusiya qüvvələri tərəfindən işğal olunub.
Ukraynanın xəritəsi həmin ərazinin nə qədər hissəsinin Kiyev tərəfindən geri alınmasından və müharibədən əvvəlki ölkənin dörddə birindən çoxunun nə vaxt və harada yaşamaq seçimindən asılı olacaq. Təxminən 3,7 milyon vətəndaş hələ də məcburi köçkün olaraq qalır,
6,5 milyona yaxını xaricə qaçıb və milyonlarla insan Rusiya işğalı altında yaşayır.
Ukraynanın iqtisadiyyat naziri Yuliya Svırıdenkonun sözlərinə görə, təxminən 156.000 kvadrat kilometr ərazi minalar və digər döyüş sursatlarının təsirinə məruz qalıb.
Noyabrdan bəri “Aksa”nın Ukrayna paytaxtında təmsilçisi Kömürçü, “Hər kəs öz dairələrini qurur”, – dedi. “Mən bunun ortasında, əvvəlcədən burada olan insanların arasında olmaq və hər kəsi tanımaq istəyirəm”.
