AXCP fəalı ilə bağlı məhkəmə prosesi yekunlaşdı
Azərbaycan Xalq Cəbhəsi Partiyasının (AXCP) Salyan şöbəsinin sədri, həbsdə aclıq etdiyi bildirilən Zamin Salayevə (ailə üzvləri, partiyadaşları onu Əlizamin adlandırır-red.) hökm oxunub. O, 4 il azadlıqdan məhrum edilib.
2023-cü ilin fevralında “Lökbatan dairəsi”ndə Natiq Süleymanov adlı şəxsi təhqir edib vurmaq, ardınca da bıçaqla xəsarət yetirməkdə təqsirləndirilən Zamin Salayevin işinə Qaradağ Rayon Məhkəməsində hakim Rufan Mürsəlovun sədrliyilə baxılırdı.
Ona qarşı Cinayət Məcəlləsinin 221.3 (silah və ya silah qismində əşyadan istifadə etməklə xuliqanlıq) maddəsilə ittiham irəli sürülüb. Bu maddədə 2 ildən 5 ilə qədər azadlıqdan məhrumetmə cəzası nəzərdə tutulub.
Zamin Salayev ittihamı qəbul etmir, şərləndiyini deyir.
