Milli Şuranın sədri Cəmil Həsənli
Misirin məşhur “Sasapost” qəzeti bu yaxınlarda Ermənistan Azərbaycan müharibəsində İranın mövqeyi ilə bağlı maraqlı redaksiya yazısı dərc edib. Həmin yazıda İranın keçmiş diplomatı və beynəlxalq münasibətlər üzrə tanınmış mütəxəssisi Ferudin Məclisi “Sasapost”un sorğusuna cavab olaraq açıqca deyib ki, “ABŞ tərəfindən bütün təzyiqlərin güclənməsinə baxmayaraq (İranla əməkdaşlıq etdiklərinə görə ABŞ Ədliiyyə Nazirliyinin bu yaxınlarda bir sıra Ermənistan kompaniyalarına və maliyyə təşkilatlarına tətbiq etdiyi sanksyalar nəzərdə tutulur) Ermənistan İran rəhbərliyinin etimadını qazana bilib. Ermənistan həqiqətən bizə dost və müttəfiq ölkədir və bundan imtina edilə bilməz”.
Cənub istiqamətində Azərbaycan ordusunun uğurlu hərbi əməliyyatların tarixi əhəmiyyəti yalnız işğal altında olan ərazilərin deyil, həm də 27 ilə yaxın düşmən tərəfindən nəzarət edilən Azərbaycan-İran sərhədlərinin məlum hissəsinin azad edilməsindədir. Bu işğaldan “ruhlanaraq” Qarabağın Dağlıq hissəsindəki oyuncaq separatçı rejim beynəlxalq münasibətlərə və beynəlxalq geopolitikaya “Artsax-İran” sərhədləri kimi “sarsaq” bir termin gətirmişdilər.
Yaxın günlərdə Zəngilanın işğaldan azad edilməsindən sonra, sentyabrın 27-də başlanan hərbi əməliyyatların ölkəmiz üçün əsas strateji hədəflərindən biri olan Azərbaycanın İranla sərhədlərinin tam bərpa edilməsi və nəzarətə götürürlməsi prosesi başa çatdırılacaq. Söz Azərbaycan əsgərinindir!