Бобомурод Абдуллаев Ўзбекистонга жўнатилмоқда

Журналист Бобомурод Абдуллаевнинг онаси, Хоразм вилояти Қўшкўпир туманида яшовчи Гавҳар Мадаминованинг олдига ҳокимлик вакили келиб, эртага 22 август куни Бобомурод Бишкекдан Ўзбекистонга қайтарилаётганини айтган. Бу ҳақда Мадаминованинг сўзларидан иқтибос келтириб Би Би Си ўзбек хизмати хабар берди.

Бобомомуроднинг онасига кўра, ҳокимликда ишловчи аёл унга 22 августга авиачипта келтириб берган ва ундан ўғлини аэропортда кутиб олиш учун Тошкентга учиши кераклигини астойдил сўраган. 

9 август куни Бобомурод Абдуллаев Ўзбекистон талабига кўра Бишкекда ушланган. Бишкек шаҳрининг Биринчи май тумани суди 10 август куни эҳтиёт чораси сифатида ўзбек журналисти Бобомурод Абдуллаевни 8 сентябрга қадар ҳибсхонада қолдиришга қарор чиқарган эди. 

Бобомуроднинг айтишича, у “Қора мерган” тахаллуси остидаги мақолаларни ёзганликда гумонланмоқда ва Мирзо Улуғбек тумани суди 23 июль куни унга нисбатан “сиртдан айблов эълон қилган”.

Eltuz.com