«Уздипломат» тадбирига тўсқинлик қилинди

“Уздипломат”нинг «йил танлови» Новвот кафесида ўтди. Энди бир бошдан гапирсам. Зарафшон киноконцерт залида бўлиши келишилганди. Аммо бир кун олдин Зарафшондаги ҳамма ходимларнинг (ҳатто қоровул ва фаррошларнинг) телефони ўчиб қолди.

Ташкилотчи Анора Содиқова ҳеч ким билан боғлана олмади. 60 га яқин номидан от ҳуркадиган журналист ва фаоллар етиб келганида Зарафшон киноконцерт залида отнинг калласидай қулф осилганини кўришди. Кейин кимдир келиб свет авария бўлибди «ашинга атмен» деб шипшитган.

Ундан кейин Зарафшон олдига йиғилган жумбул жамоат кўчани ўзидаëқ тадбирни ўтказиб қўйишмоқчи бўлувди. Худонинг қудрати билан ҳамманинг интернети ўчди қолди. Ҳатто шу атрофда гул музқаймоқ сотадиган холаларникиям.

Атрофда эса башараси отнинг асбобига ўхшаш туссиз турқи совуқлар кўпая бошлади. Кимдир кунчиқар тарафдан шаллақи хотинлар обони келмоқда, деди. Яна кимдир кунботардан диний рижоллар бостириб келяпти, деди.

Вазият таҳликалли тус олди. Шунда йиғилганлар шу яқин атрофдаги «Новвот» кафсеидан сиëсий бошпана топишди.

Уздиопломат танловига кўра, энг яхши маткотиб, энг яхши ҳоким каби мартабалар берилиши керак эди. Аммо ҳукумат идораларидан итам кемади.

Ҳукумат боқувидаги блогерлар ҳам куйган латта ҳидини олдиндан билган шекилли қорасини кўрсатишмади.
Соат иккилардан ўтиб ҳамма уй уйига тарқалди.
Бу аҳли қалам «Б. вазир бошчилигидаги ҳукумат фақат Элтузга қарши уруш очди» деб ўйлаган бўлса хато қилади.

Ўрисдан понятка олган Б. вазир тўрт тарафга қараб эркин матбуотни тор мор қилиш учун кўтига лунгисини кийиб, ëғочга тош бойлаб, кўчага чиқди.

Қор ҳамманинг бошига ëғади. Аммо ҳар ким ўз бошидаги қорни ўзи курайди.