Озодликнинг «ОФИС» ҳақидаги фильми жамоатчиликни таъсирлантирди

Филмда ДХХ раисининг собиқ ўринбосари Отабек Умаров ва унинг издошлари ҳамалдорларни тайинлаш учун коррупцион схема яратгани, бизнесларни эгаларидан тортиб оладиган рейдерлик фаолиятини олиб боргани, тадбиркорлардан товон пули ундириб келгани асослаб берилган.

Шунингдек, Тошкентдаги қудратли “Офис” турли босим механизмларни яратган дейилади филмда. Далиллар ва гувоҳларнинг таъкидлашича, “Офис” интернет троллар фабрикаси тузиб, уларнинг йўриғига юрмаган мансабдор шахслар ва тадбиркорларни шарманда қилган, қаматиб юбориш билан қўрқитган.

Фильмдаги шу ва бошқа тафсилотлардан таъсирланган жамоатчилик бугун Отабек Умаровга қарашли «Saber» бренди махсулотларини, хусусан, Saber Cola ичимлигини бойкот қила бошлади.

Твиттерда бошланган бойкот кампаниясида одамлар Saber брендини «қон ва ҳаром пуллар эвазига ривожланган, ҳаммасини рад этиш керак» деб тилга олмоқда.

Изоҳларда фойдаланувчилар яқинда бўлиб ўтган воқеаларга ишора қилётганини кўриш мумкин.