Жаҳон тиллари университетида яна кадрлар можароси

Университетлар орасида Элтуз хит парадининг мутлақ юлдузи бўлган Ўзбекистон жаҳон тиллари университети масаласига қайтамиз.

Талабага шилқимлик қилган замдекан Суннат Бозоров ўз ўрнида қолди. Талаба қиз – «айбдор». Бу ҳақида Элтузга замдекан Суннат Бозоровнинг сексуал харрасментига дуч келган бошқа бир неча талаба қизлар маълум қилди. 

Шунингдек, коррупцияга қарши кураш баҳонасида ротация қилинган тюторлардан айрим эркатойлар ўз жойида қолган. Ротациядан омон қолган тюторлар бошқаларнинг норозилигига сабаб бўлмоқда. Ўз ўрнида қолишнинг синоати нимада? Коррупция тизимининг бир бўғими бўлишдами ёки қудратли «танкаларда»? 

Элтуздан аши тюторларга ўгит: ким ротациядан қўрқиб эски жойига қайтган бўлса шу кадр катта эҳтимол билан ғирт саводсиз ёки юлғич бўлади. Унутманг, муттаҳамлар орасида ўзаро тортишиш кучи бор – уларни минг карра тарқатиб юборилса ҳам, яна эски пора ўчоғига қайтиб олаверади.

Талаба қизларга эса хавфсизлик бўйича маслаҳат: Суннат Бозоров каби шилқимларни бошлиқлар севади. Улар осонликча йўқ бўлмайди. Шундай экан эҳтиётингизни қилинг – шилқим маъмурият билан гаплашаётганда хона эшиги доим очиқ бўлсин. Диктофонни ёқиб қўйинг. Имкон қадар яширин камера билан қуролланинг. Ўзингизни ўзингиз ҳимоя қилмасангиз ҳеч ким ёрдам беролмайди.