Тошкент вилоятида ўнлаб бола қатиқдан заҳарланди

Тошкент вилояти боғчаларида болалар оммавий заҳарланмоқда. Пскент ва Бўка тумани юқумли касалликлар шифoxоналари ўнлаб болалаларга тўлган. 

24-сентябр куни вилоят бўйича оммавий санитар ва эридимиолик ҳолат текширишга буюрилди. Унга кўра, Пскент ва Бўкадаги юқумли касалликлар шифохоналарида болалар овқатдан заҳарланиш ҳолати қайд этилган.

Дастлабки маълумотларга кўра, болалар қатиқдан заҳарланган. Ушбу маҳсулот Оққўрғон туманидаги хусусий корхонада ишлаб чиқарилган 3,2 фоизли қатиқ маҳсулоти бўлган. 

Болаларнинг аҳволи мўътадил. Вафот этганлар йўқ, жабрланганлар сони аниқланмоқда. 

Вазирлик ва Санитария-эпидемиология хизмати томонидан вазият назоратга олиниб, текширув ишлари олиб борилмоқда.