Деҳқонободдаги ёқилғи омборида ёнғин: Бир киши ҳалок бўлди

Қашқадарё вилояти Деҳқонобод туманида жойлашган қўшма корхонада ёнғин содир бўлди. Ҳодиса 29 сентябрь куни эрталаб, Ўзбекистон МФЙ ҳудудидаги ёқилғи омборида рўй берган.

Элтуз манбасига кўра, ёнғин вақтида омборда бўлган бир шахс ҳалок бўлган. Ҳозирда ёнғиннинг келиб чиқиш сабаблари ва келтирилган зарар миқдори аниқланмоқда.

Тегишли идоралар томонидан терговгача текширув ишлари бошланган.