Интерпол қидирувида бўлган фуқаро Хорватиядан Ўзбекистонга юборилди

Хорватиядан Ўзбекистонга халқаро қидирувда бўлган фуқаро экстрадиция қилинди.

Экстрадиция Интерполнинг Ўзбекистон ва Хорватия миллий марказий бюроларининг мувофиқлаштирилган ҳаракатлари, шунингдек, Ўзбекистоннинг Венгриядаги консуллигининг кўмаги натижасида амалга оширилган. 

 Узоқ йиллардан буён, ўта оғир жиноят билан қидирувда бўлган фуқаро Хорватияда ноқонуний яшаб юрган. Кейинчалик қўшма махсус операция орқали фуқаро қўлга олинган. Энди Ўзбекистонда белгиланган тартибда жазога тортилади. 

Ўтган йил охирида Интерпол Грузияда қидирувда бўлган ўзбекистонлик икки жиноятчини қўлга олганди. Қўлга олинганлар йирик фирибгарлик ва одам савдосида айбланмоқда.