Ўзини касалга солган кино каттасининг ростданам мазаси қочди

Кинематография агентлигини комиссия босди. Текширув шамолини сезган кино бошлиқ Шуҳрат Ризаев касаллик варақаси очдириб 1 гўрбанисага ётиб олган эди. 

Маълумотларга кўра, бу Ризаевнинг бошқарув услуби – КРУ текширса ҳам,  меҳнат инспекцияси келса ҳам банисага ётиб олади. 

Агентликдаги инсайдерлар таъкидлашича, ҳозир Ўзбекфильм директори Баҳодир Муҳаммедов Агентликка ўтиш пайида бўлмоқда.  Муҳаммедов Президент академиясини битирган, Президент Администрацияда ишлаган, кино куратори бўлган ва МТРК раиси Абдурашид Жўрабоевнининг шогирди деб билинади.

«Баҳодир Муҳаммедов Ўзбекфилм ва Панорама бўйича терговчига барча карталарни очган. Асосий левийлар Ўзбекфилмда ва Панорамада. Ўзбекфилмда съёмкалардан (кино, клип, телекўрсатувлар, реклама), Панорамада концерт билетларидан мўмай даромад қилиш мумкин» – дейди тизимдаги билгичлар.

Хуллас, текширув пайти Шуҳрат Ризаев яна эски финтни қўллаб банисага ётиб олган. Бироқ хабарлар ёйилиб, 25 миллион евро талон-торож ҳақидаги Элтуз мақоласи тинч осмонда момақалдироқ каби гумбирлагач Шуҳрат Ризаевнинг ростан мазаси қочди. Кечки пайт ўша Каримов ўлган хўкумат банисасидан чиқиб бир-икки марта ишхонага ҳам келган Ризаев тўсатдан ғойиб бўлди. 

Ҳозир Академик В.Воҳидов номидаги Республика ихтисослаштирилган жарроҳлик маркази ҳузуридаги кардиохирургия бўлимида Шуҳрат Ризаевга юрак операцияси ўтказилмоқда. Ана кетти, мана кетти бўп ётибди.