7 ноябрь – инқилобнинг унутилган тўйи

Инқилоб бўлган кун – 7 ноябрь СССРнинг энг асосий байрами эди.

Бугун Ўзбекистонда бу тантана мутлақо унутилган, баъзи қари-қартангларгина аранг эслайдиган шўро байрами.

Календарнинг қизилга бўялган куни сифатида Совет Иттифоқининг бошқа бўлгалари 7 ноябрь куни дам олса, Ўзбекистондагилар параддан чиқиб пахта теришга йўл оладиган кун эди.

Серхаражат бу байрам ҳарбий парадлар, совет тизими “меҳнаткашлар”ининг парад ва намойишларидан таркиб топар эди.

Ленин ҳайкали олдидан ўтган собиқ совет фуқаролари “Яшасин совет ҳукумати!” деган чақириққа жавобан “ура-а” деб бақирадиган кун эди.

7 ноябрь байрами миллионлаб пул, турли касбу маслакдаги кишиларнинг заҳмати ва кўп кунлик репитициялардан иборат маърака эди.

Дабдабали ва серчиқим парадларга ошиқ бўлиш советларга чор армиясидан мерос эди, десак янглишмаймиз.

Граф Аракчеев давридаги ҳарбий шоулар совет парадларининг катта бобоси каби туюлади.

Кўз-кўз қилиш ва маҳобатнинг виртуоз чўққисига чиқарилган бу хўжакўрсин тадбир меҳнаткашларнинг оммавий ароқхўрлиги билан тугаганини кўплар эслайди.

Совет давлати ва шу кунларда Россия армияси ташриф қоғозига айлантирилган бу “байрам” большевизм сарқити сифатида бугун ҳам яшамоқда.

Eltuz.com муштарийларига 1966 йилда Ўзбекистон ССРнинг Бухоро шаҳрида 7 ноябрь байрам қилинганига оид тасвирларни тақдим қиламиз.

Суратлар ўша куни Бухорони кезган сайёҳ Н.Френсиз (N.Francis)га оид.

Видео: https://youtu.be/Y8zNU97sj-A

Акмал Ризаев,
ўзбекистонлик муаллиф тахаллуси
Eltuz.com