Озарбайжон НАТО стандартига ўтмоқда, бу имкон Ўзбекистонда ҳам бор 

Илгари Россия қурол аслаҳаларидан фойдаланиб келган Озарбайжон армияси НАТО стандартларига ўтказилмоқда. Бу эса эндиликда НАТОга  аъзо давлатлар – АҚШ, Германия, Франция, Буюк Британия қурол сотиб олиш; Армиядан Россия ҳарбий техникаларини босқичма-босқич сиқиб чиқариш; Шахсий таркибни Ғарб жиҳозларида ўқитишни англатади.

«Боку Туркия армияси ва альянснинг бошқа мамлакатлари ҳарбий идоралари билан яқин ҳамкорлик қилмоқда. Озарбайжон ерларни ишғолдан озод қилганидан бери ўз асосий мақсадига эришди», — деди Илҳом Алиев НАТО делегацияси билан учрашувда.

Август ойида — Россия билан муносабатлар ёмонлашгани фонида — Алиев Озарбайжон ҳар қандай вақтда урушга тайёр бўлиши кераклигини айтган эди: 

«Агар кимнингдир касал бошига Озарбайжонга қарши қандайдир провокация қилиш фикри келса, улар бундан пушаймон бўлишади»

Айни пайтда Ўзбекистонда ҳам армияни замонавий НАТО тизимига ўтиш имконияти очиқ. 

Ҳозирги кунда Ўзбекистон Қуролли Кучларининг ҳарбий техникаси асосан собиқ совет ва Россияда ишлаб чиқарилган бўлсада,  сўнгги йилларда Ғарб давлатлари (АҚШ) ва Туркия, Хитой каби бошқа мамлакатларнинг замонавий техникалари ҳам киритилган.

Жумладан ўзбек армияси АҚШнинг Oshkosh M-ATV, International MaxxPro, Cougar, Туркиянинг Ejder Yalçın ҳарбий транспортларига эгалик қилади. 

Шунингдек Афғонистондаги НАТО миссияси тугаганидан сўнг Ўзбекистонга асосан АҚШ Қуролли Кучлари томонидан катта миқдорда турли ҳарбий техникалар қолдирилган.

Хусусан Embraer EMB 314 Super Tucano ҳарбий учоқлари, PC-12, C-208, AC-208 транспорт воситалари, UH-60 Black Hawk, Mi17 MD 530 жанговор вертолетлари шулер жумласидан

2024 йилда АҚШнинг Ўзбекистондаги элчиси уларнинг катта қисми Ўзбекистонда қолишини расман тасдиқлаган.

Германия (Бундесвер)нинг Термиздаги ҳарбий базаси (2001-2015 йиллар) НАТОнинг транзит нуқтаси бўлиб хизмат қилган, бироқ Бундесвернинг ўзи Ўзбекистонга катта миқдорда жанговар техника қолдиргани ҳақида эса аниқ, расмий маълумотлар Элтузда йўқ.