Кун латифаси: Қиш кунларининг бирида…

Қишнинг аномал совуқ бир кунида катта бир амалдор депутат чекка бир қишлоққа бориб, юрт қашшоқлари билан учрашиб, уларга мақтана кетибди. Биз Халқ учун ҳамма шароитни яратамиз! Ракеталаримиз коинотни забт қилади, Америкадан юз миллионга самолетлар, вертолетлар сотиб оламиз, Шоввозсойда аквадискотека, Самарқандда замбуруғсимон вилла, Хивада люкс ҳаммомли, унитази тилладан қилинган отел қурилади!

Шунда бир оқсоқол ғазабланиб қичқира бошлабди: — Олтин унитазинг ўзингга сийлов, қишлоққа свет билан газ қачон келади?

Амалдор бир оз ўйланиб туриб, шеригига қараб дебди: — Мана кўрдингми? Халқимизнинг дунёқараши шунақа тор! Биз Ойга чиқишни режа қиляпмиз, булар бўлса ҳалиям ўша ўтган асрдаёқ кўтарасига четга сотиб юборилган газ билан светни ўйлаб юришибди!