Ўзбекистонда УДО билан озод этилганлар назорати кучайтирилади

Ўзбекистонда шартли равишда УДО бўйича муддатидан олдин озод этилган шаҳслар устидан назорат кучайтириладиган бўлди. Суд белгилаган қоидаларни бузганларга эндиликда қўшимча чекловлар қўйилади, ёки улар жазони давом эттириш учун қайта қамоққа юборилади.

Оддий қилиб айтганда, «тартибли бўлсанг — енгиллик, тартибни бузсанг — қамоқ»

Агар маҳкум муддатидан олдин озодликка чиққан бўлса, энди унинг юриш-туриши жуда қаттиқ назорат қилинади. Илгари назоратда баъзи бўшлиқлар бўлган, энди ҳаммаси аниқ қонун билан белгилаб қўйилди.

Агар УДО билан чиққан одам суд томонидан қўйилган тақиқларни (масалан: кечқурун уйдан чиқмаслик, ичкилик ичмаслик ёки маълум жойларга бормаслик) қоидаларини бузса, унинг «сўрови» қисқа бўлади. УДО бекор қилинади ва у қолган жазосини ўташ учун яна қамоқхонага қайтарилади.

Янги қонун лойиҳасининг ижобий бир томони ҳам бор: агар озодликка чиққан шахс берилган имкониятдан тўғри фойдаланса, ишласа, маҳаллада ўзини яхши тутса ва тартибни бузмаса, унга қўйилган баъзи чекловлар муддатидан олдин олиб ташланиши мумкин. Яъни, давлат унга кўпроқ эркинлик беради.

Қисқа хулоса қиладиган бўлсак илгари назорат бироз бўшроқ эди, энди бу кучайтирилади. Пробация ходимларида қаттиқ назорат қилиш учун аниқ «қўлланма» бор. Мақсад кўчага чиққан собиқ маҳкумлар яна жиноят қилмасин, тинч юрсин.