Avropa İttifaqı (Aİ) Rusiyaya təzyiqi artırmaq üçün yeni məhdudlaşdırıcı tədbirlər paketi üzərində işləyir.
Gununsesi.info xəbər verir ki, bu barədə Bloomberg məlumat yayıb.
İlk dəfə olaraq, Aİ Qazaxıstan vasitəsilə Rusiyaya sanksiyalardan yan keçməyə imkan verən malları da əhatə etməyi nəzərdən keçirir.
Paketə banklara və neft şirkətlərinə qarşı məhdudiyyətlər, Rosneft üçün qüvvədə olan bəzi istisnaların ləğvi və Rusiyanın hərbi sənayesinə tədarük edilən mallara ixrac qadağasının uzadılması daxildir.
Bu tədbirlər ABŞ-la koordinasiya olunacaq və üçüncü ölkələrdəki neft treyderləri və tankerlərə də təsir edə bilər.
Yeni paket, həmçinin Çinin və digər ölkələrin Rusiyaya hərbi sənaye üçün tədarük edə biləcəyi məhsullara məhdudiyyətlər tətbiq edə bilər. Məqsəd, qadağan olunmuş məhsulların Rusiyaya təkrar ixracını əngəlləməkdir.
Şəbnəm
