Gədəbəy rayonunda ata doğma oğlunu qətlə yetirib.
Gununsesi.info xəbər verir ki, oxu.az-ın məlumatına görə, hadisə noyabrın 15-də saat 22 radələrində Gədəbəy rayonu, Slavyanka kəndində baş verib.
Kənd sakini, 1966-cı il təvəllüdlü İlqar İlyasov evində oğlu, 1988-ci il təvəllüdlü Rəşad İlyasovla mübahisə edib. Mübahisə İlqar İlyasovun sərxoş vəziyyətdə kənd ərazisində hansısa sürücüyə əl etməsi olub. Bu məsələni oğlu İlqar eşidib və evə gələrək atasından kiminsə avtomobilinə əl etməsinin səbəbini soruşub. Sərxoş vəziyyətdə olan İlqar İlyasov heç bir avtomobilə əl etmədiyini bildirib və ata-oğul arasında mübahisə yaranıb. Mübahisə davaya çevrilib və sərxoş vəziyyətdə olan İlqar mətbəx bıçağı ilə Rəşada kürək nahiyəsindən zərbə endirib. Rəşad aldığı xəsarətdən qan itirərək dünyasını dəyişib.
Polis əməkdaşlarının keçirdikləri tədbirlərlə hadisəni törətməkdə şübhəli bilinən mərhumun atası 1966-cı il təvəllüdlü İlqar Ləzim oğlu İlyasov tutulub. Faktla əlaqədar cinayət işi başlanıb və İ.İlyasov barəsində məhkəmə qərarı ilə həbs qətimkan tədbiri seçilib.
İş Gəncə Ağır Cinayətlər Məhkəməsinə göndərilib. Məhkəmənin hökmü ilə İ.İlyasov 9 il azadlıqdan məhrum edilib.
