“Özəl sektorda onkoloji xidmət göstərmək üçün xüsusi və çox ciddi tələblər hazırlanıb və yalnız ən yüksək standartlara cavab verən müəssisələrə icazə veriləcək”.
Gununsesi.info-nun xəbərinə görə, bunu səhiyyə naziri Teymur Musayev deyib.
O vurğulayıb ki, xərçəng xəstəlikləri ilə mübarizə sahəsində aparılan islahatlar çərçivəsində özəl tibb müəssisələrinin fəaliyyəti də nəzarətdə saxlanılacaq. Onun sözlərinə görə, bu sahədə icazə mexanizmi sərtləşdirilir və yalnız yüksək texniki baza və peşəkar kadr potensialına malik qurumlara fəaliyyət imkanı veriləcək.
