စစ်ကိုင်းတိုင်း၊ ခင်ဦးမြို့နယ်တွင် စစ်ကြောင်းထိုးလာသော စစ်ကောင်စီတပ်ကို ဒရုန်းဖြင့်ဗုံးသီးချတိုက်ခိုက်ခဲ့ကြောင်း Royal Tiger Guerilla Force အဖွဲ့ ပြန်ကြားရေးတာဝန်ခံက ပြောသည်။
ယမန်နေ့ (ဖေဖော်ဝါရီ ၈ရက်)က ရေဦးမြို့မှထွက်လာသော အင်အား ၉၀ကျော်ပါ စစ်ကောင်တပ်စစ်ကြောင်းကို ကံသစ်ကျေးရွာနှင့် ခင်ဦးမြို့ကြားတွင် ဒရုန်းဖြင့် ဗုံးသီးချတိုက်ခိုက်ခဲ့ကြောင်း RTGF ပြန်ကြားရေးတာဝန်ခံက ပြောသည်။
ထပ်မံ၍ မိုင်းဆွဲတိုက်ခိုက်ရန် ပြင်ဆင်နေချိန် ရှေ့ပြေးကင်းထောက် စစ်ကောင်စီတပ်များက လိုက်လံပစ်ခတ်၍ ရဲဘော်များပြန်ဆုတ်ခဲ့ကြောင်း၊ ရဲဘော် များကျန်ခဲ့သော ဆိုင်ကယ်နှင့် တောထဲက တဲတစ်လုံးကို မီးရှို့သွားကြောင်း အထက်ပါတာဝန်ခံက ပြောသည်။
“အထိခိုက်အကျဆုံးကိုတော့ မသိရှိရသေးပါဘူး။ သာဂရမြင်းဒေါင်းကနေပြီး မြစ်တော်နဲ့ ဗအိုးကြားကနေ ကံသာယာတောင်ဘတ်ကနေခင်ဦးဘက်ကိုတတ်တာ။ အခုတော့မြို့ပေါ်ပေါင်းသွားပြီ”ဟု Royal Tiger Guerilla Force အဖွဲ့ ပြန်ကြားရေးတာဝန်ခံက ပြောသည်။
ထို့အပြင် ထောင်ထားသည့် မိုင်းများကိုလည်း ယူဆောင်သွားပြီး မိုင်း ၁၀လုံးဆုံးရှုံးခဲ့ကြောင်း၊ ထို့ကြောင့် မိုင်းများ ဆက်လက်ထုတ်လုပ်နိုင်ရန်အတွက် ဝိုင်းဝန်းကူညီပေးကြရန် RTGF အဖွဲ့ကမေတ္တာရပ်ခံသည်။
အဆိုပါ စစ်ကောင်စီတပ်သည် ယင်ေးနေ့ ညနေပိုင်းတွင်လည်း ခင်ဦးမြို့ပေါ်သို့ရောက်ရှိလာပြီး ညပိုင်း၌ လူနေတိုက်ပေါ်တွင် နေရာယူကာ အသင့်စောင့်နေခဲ့ကြောင်း ခင်ဦးဒေသခံတစ်ဦးက ပြောသည်။
