သတင်း
ယမန်နေ့(စက်တင်ဘာ ၉ ရက်) မွန်းလွဲ ၂ နာရီခွဲခန့်က ရွှေဘိုမြို့နယ် ချောင်းဆုံကျေးရွာမှ အင်အား ၄၀ခန့်ပါ စစ်ကောင်စီတပ်သည် ဝက်လက်မြို့နယ် ရင်းမကန်ကျေးရွာသို့ ရောက်ရှိလာခဲ့သည်။
Hi, what are you looking for?
ယမန်နေ့(စက်တင်ဘာ ၉ ရက်) မွန်းလွဲ ၂ နာရီခွဲခန့်က ရွှေဘိုမြို့နယ် ချောင်းဆုံကျေးရွာမှ အင်အား ၄၀ခန့်ပါ စစ်ကောင်စီတပ်သည် ဝက်လက်မြို့နယ် ရင်းမကန်ကျေးရွာသို့ ရောက်ရှိလာခဲ့သည်။
မြစ်အနောက်ဘက်ကမ်း ဝက်လက်မြို့နယ်ရှိ ငါးပါတ်ချောင်း၊ကမ်းဖြူနှင့် အင်ဒေါင်း စသည့် ကျေးရွာများကို လှည့်ပတ်မွှေနှောက်ကာ လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်ခဲ့ သည်။
ရှေ့တန်းတွင် ရောက်နေသော စနိုက်ပါသမားက စစ်ကြောင်းတစ်ကြောင်းရှိ အဓိကကျသည်ဟု ယူဆရသော အကြမ်းဖက်စစ်သားတစ်ဦးအား ပထမဦးစွာ သုတ်သင်ရှင်းလင်းခဲ့ကြောင်း BLACK WOLF - PDF က ပြောသည်။
အကြမ်းဖက်စစ်တပ်သည် ရေယာဥ်ပေါ်မှ ငါးပါတ်ချောင်းရွာထဲသို့ နှစ်ချက်ပစ်ရာတစ်လုံးကွဲ၍ တစ်လုံးမှာ ပြည်သူများနှင့် နီးကပ်စွာကျသော်လည်း ပေါက်ကွဲခြင်းမရှိဘဲ မြေကြီးထဲတွင် နစ်မြုပ်နေကြောင်း ဒေသတွင်းအခြေစိုက် Tiger King အဖွဲ့က ပြောသည်။
လက်ရှိတွင် အပူရှိန်ပြင်းသည့် အညာဒေသဖြစ်သည့် အလျောက် သက်ကြီးရွယ်အိုများနှင့် ကလေးများအပါအဝင် ဒေသခံများ ယာယီတဲများ၊ဆေးဝါးများနှင့် စားနပ်ရိက္ခာအကူအညီများ လိုအပ်နေသည်ဟု ဆိုသည်။
ဝက်လက်မြို့နယ်တွင် အကြမ်းဖက်စစ်ကောင်စီတပ်အား ပြည်သူ့ကာကွယ်ရေးတပ်ဖွဲ့များက အရှေ့ခြမ်းနှင့် အနောက်ခြမ်း နှစ်ပိုင်းခွဲကာ ခုခံတိုက်ခိုက်နေကြပြီး အလယ်ပိုင်းရှိ ရွှေဘို-မန္တလေးလမ်းမကြီးပေါ်တွင်လည်း ဖြတ်သန်းလာသည့် အကြမ်းဖက်စစ်တပ်၏ယာဥ်များအား မိုင်းခွဲကာ မကြာခဏ ခုခံတိုက်ခိုက်လျက်ရှိသည်။
ယမန်နေ့ကတိုက်ပွဲ၌ ဝက်လက် PDF တပ်ရင်း(၂)၊ လျှပ်စီးပြောက်ကျားတပ်ဖွဲ့၊ ဖောင်းဒိုင်းပြောက်ကျားတပ်ဖွဲ့၊ တောကြီးမြွေပွေး၊ Man dalay PDF(ပြည်ချစ်သား)တပ်ဖွဲ့၊ Mandalay Prolife တပ်ဖွဲ့ နှင့် ဒေသခံ ပ.က.ဖ အဖွဲ့များ ပူးပေါင်းတိုက်ခိုက်ခဲ့သည်။
ကြမ်းဖက်စစ်ကောင်စီတပ်သည် ရွှေဘိုခရိုင်အတွင်းတွင်လည်း ကျေးရွာများသို့စစ်ကြောင်းထိုးကာ PDFတပ်ဖွဲ့များအားရှာဖွေနေပြီး ကျေးရွာများကိုမီးရှို့ဖျက်ဆီးမှုများ ပြုလုပ်နေသည်။
ကမ်းဖြူရွာဘက်မှ ရွှေကျင်ကျေးရွာသို့ အင်အား ၆၀ခန့်ဖြင့် စစ်ကြောင်းထိုးလာသော စစ်ကောင်စီတပ်ကို တောင်ကုန်းရွာအနီး၌ တိုက်ခိုက်ခဲ့ခြင်း ဖြစ်သည်။
"လာတာက ၇၀။ ၃၀ လောက်ပဲကျန်တော့လက်နက်ခဲယမ်းလည်းကုန်တော့ ရွာအရှေ့ဘက်ထွက်ပြေးတယ်။ လာရာလမ်း ရှိမ်းမကားဘက်ပြေးကြတာ။ အဲဒီအချိန်မှာ ရဟတ်ယာဥ်နဲ့လာပစ်တော့တာပဲ။ရွာပတ်ပတ်လည်ကိုပစ်တာ။"ဟု မဟာမိတ်အဖွဲ့ဝင် ဖောင်းဒိုင်းဖောင်းဒိုင်းအဖွဲ့ခေါင်းဆောင်က ပြောသည်။