Niratipikahan ng Senado nitong Dis. 11 ang International Labour Organization (ILO) Convention No. 190 o ang Convention Concerning the Elimination of Violence and Harassment in the World of Work.

Nakakuha ito ng 20 affirmative votes, 0 negative at 0 absentation.

Sa ilalim nito, hinihimok ang mga miyembrong estado na ipatupad at subaybayan ang mga patakaran sa mga lugar paggawa na tumutukoy sa mga karapatan at responsibilidad ng mga manggagawa at employer upang maiwasan ang karahasan at harassment.

Kinikilala nito ang pangunahing karapatan ng bawat isa na magtrabaho na walang karahasan at harassment at nagbibibgay ng isang depinisyon ng mga hindi katanggap-tanggap na pag-uugali at kasanayan na maaaring magresulta sa pisikal, sikolohikal, sekswal o pang-ekonomiyang gender-based violence at harassment.

Ikinatuwa ng Gabriela Women’s Party (GWP) ang pagratipika ng Senado sa ILO Convention 190.

“Being the first Asian country to ratify the convention, the Philippines has made history in creating inroads towards addressing often undocumented cases of violence, abuse and harassment in various work [settings],” pahayag ng GWP.

“We are proud to cite our efforts at the Lower House in galvanizing the broadest support for the ratification of the said convention, with the successful adoption of House Resolution No. 650,” dagdag nito.

Itinuturing din ng GWP ito bilang isang makasaysayang hakbang sa pagbibigay ng malakas na puwersa para gumawa ng mga bagong polisiya para ma-address ang gender-based violence.

Dagdag nito na kasalukuyang “mahina” ang reporting at regulatory mechanisms sa mga kaso ng work-related abuse at harassment.

“ILO C190 puts forward a timely conceptualization of work settings as captured by the ‘world of work’ to include not just the usual workplaces such as factories and offices but even remote work locations, training facilities, workers’ dormitories and modes of transport to and from work,” ayon sa GWP.

Saklaw rin aniya ng kumbensiyon ang malawak na hanay ng mga manggagawa, hindi lamang sa may mga employee-employer relationship kundi pati contractual workers, apprentices, interns, migrant workers, at maski jobseekers at job applicants.

“Work-related violence affecting workers in the informal economy are also taken note by the convention.”

Nangako naman ang GWP na patuloy itong maghahain ng mga kaparehong panukala para mas ma-address ang gender-based at work-related violence at harassment.