وزارت خارجهی تاجیکستان گزارش رویترز در مورد درخواست کمک این کشور از روسیه برای کنترل مرز مشترک با افغانستان را تکذیب کرد
این وزارت عصر امروز (چهارشنبه، ۱۲ قوس) با نشر اعلامیهای گفته است انتشار چنین اطلاعات نادرستی، مخاطبان بینالمللی را گمراه میکند.
وزارت خارجهی تاجیکستان گفته است که وضعیت در مرز دولتی این کشور پایدار و تحت کنترل کامل مقامهای آن کشور است.
خبرگزاری رویترز به نقل از سه منبع امنیتی گزارش داده بود که تاجیکستان در پی حملات هفته گذشته از خاک افغانستان، برای حفاظت از مرزهایش با این کشور،خواستار کمک روسیه شده است
این رسانه نوشته بود که مقامهای تاجیکستان در مورد احتمال گشتزنی مشترک نیروهای تاجیکستانی و روسی در مرز با افغانستان گفتوگو کردهاند.
ریاست جمهوری تاجیکستان اعلام کرده است که هفته گذشته دو حمله از افغانستان در آن کشور انجام شده است که در آن پنج شهروند چین کشته و پنج نفر دیگر زخمی شدهاند.
چین نیز حمله به شهروندانش را تأیید کرده و از آنان خواسته است که مناطق مرزی تاجیکستان و افغانستان را ترک کنند.
