Kansler bildirib ki, Rusiyanın qalib gəlməsinin qarşısını almaq üçün əldən gələn edilməlidir
Almaniya Kansleri Olaf Şolz ABŞ-a Ukraynada Putinin qələbəsinin riskləri artıracağı ilə bağlı xəbərdarlıq edib.
“Səhv etməyin: Rusiyanın Ukraynadakı qələbəsi təkcə Ukraynanın azad, demokratik və müstəqil dövlət kimi sonu olmayacaq, həm də Avropanın simasını kökündən dəyişdirəcək”.
Kansler bildirib ki, Rusiyanın qalib gəlməsinin qarşısını almaq üçün əldən gələn edilməlidir.
ABŞ-ın Ukraynaya Rusiyanın müdaxiləsindən qoruna bilmək üçün olan maliyyə yardımı dayanıb.
Aİ liderləri keçən həftə Macarıstanın Baş naziri Viktor Orban tərəfindən bloklanan əlavə 50 milyard avro (54,3 milyard dollar) dəstək paketi barədə razılığa gələ bilib, lakin hələlik, ABŞ-ın dəstəyindən xəbər yoxdur.
Şolz bu səbəbdən ABŞ-a gedib. Deyilənə görə, o, konqres üzvləri ilə görüşüb, ABŞ Prezidentinə maliyyə blokadasını aradan qaldırmağa kömək edəcək.
Almaniya ABŞ-dan sonra Ukraynaya silah və maliyyə yardımı göstərən ikinci ölkədir. Məsələn, bu ölkə ötən ilin sonunda 2024-cü ilə qədər Ukraynaya 8 milyard avroluq hərbi yardım təklif etməyi planlaşdırdığını açıqlamışdı.
Şolz və Baydenin ikitərəfli danışıqları fevralın 9-da Ağ Evdə planlaşdırılır. Bundan əvvəl Almaniya Kansleri səhər yeməyində ABŞ biznes liderləri ilə görüşəcək.
