Azərbaycan çempionu Finlandiya klubu üzərində qələbəyə sevinib
“Qarabağ” klubu avqustun 10-da UEFA Avropa Liqasında ilk oyununu keçirib.
“Köhlən atlar” 3-cü təsnifat mərhələsinin ilk matçında Bakıda Finlandiyanın HJK komandasını qəbul edib. Tofiq Bəhramov adına Respublika stadionunda keçirilən matç saat 20:00-da başlayıb.
Bundan əvvəl Polşanın “Rakuv” klubuna uduzaraq UEFA Çempionlar Liqasında mübarizəni dayandıran “Qarabağ” Avropa Liqasına qələbə ilə başlayıb. Ağdam təmsilçisi HJK ilə ilk görüsdə 2:1 hesablı qələbəyə sevinib.
Komandalar arasında cavab oyunu avqustun 20-də Finlandiyada keçiriləcək.
